~ مهم جدا // قـوانين القسـمــ // ..

[b]
السلام عليكم و رحمة الله و بركاته عز و جل

على بلاطة .. و باختصار و من غير كترة حكي لانو أصلا انا نعسان

هاي قوانين القسم .. مقررة من زمان بس للتأكيد رجعنا حطيناها إلكم

لانو بصراحة في تجاوزات كتيرة صارت بالفترة الأخيرة

//

× الرد بأسلوب حلو .. بعيد عن الغلط و الاستهزاء بالناس أول شغلة لازم نراعيها .

× ممنوع و للمرة المليون أيا خبر ينزل بدون مصدر .. على الأقل يكون مذكور المصدر خلال نص الخبر .. عدا زالك الموضوع رح يتسكر الاشي مباشرة !

× ممنوع منعا باتا و للمرة المليون وسبعة قصة رابطة النادي الفلاني .. و برضو ممنوع قصة مكتبة أهداف الناي العلاني .. و الي غالبا بصير فيها 56 كيلو من الردود الي ما إلها طعمة .. هادا غير المجال الي بنفتح للشات و كلمة شكرا و عفوا و يسلموووو و زيادة عدد المشاركات على الفاضي !

× موضوع حلو و متعوب عليه و من جهد شخصي .. بعيد عن النسخ و اللصق بنخلع مصمار باطون !

× مواضيع التهاني و التبريكات بالفوز او الخسارة او الشماتة مسموحة لمدة 48 ساعة فقط من نزول الموضوع .. عشان نعطي مجال أكتر للمواضيع التانية !

× يا ريت ما حد ينكش المواضيع القديمة و يكشف المستور

× الشات غير مسموح فيه إطلاقا إلا ضمن حدود الموضوع .

× ممنوع منعا باتا الدخول للقسم بدون بدلة الرياضة و البوت .. أيا واحد بشوفو بلبس رسمي بدي أعلقو على العارضة .. و نصير نخبط فيه بالطابات بمناطق حساسة بجسمو

× موضوع التعميم رح يكون متابعة لأيا شغلة بتصير بالقسم و حابين ننبهكم عليها .. لزلك احرصو على المتابعة و يا ريت أيا تعميم بنزل نلتزم فيه لانو برضو يعتبر من هالقوانين .

× هالقوانين قابلة للتعديل و التحديث و الخبط و التطبيش حسب الجو .

× التدخين مسموح بشرط عدم اصطحاب الأطفال .

× كل واحد ياخد بالو من لغاليغو ، فحص المنشطات حيصير من فترة لفترة على شكل كبسات

× حبشتكنات مكلبزة مرتين .. مرة قبل المفترق .. و مرة بعد المفترق .

× ايش كمان يحمد ؟ .. نسيت ننعن

//

يُـصرف له من تاريخ اعتماده .

سلاموكا .. [/b]