اولادنا بعرفوش عربي

السلام عليكم ورحمة الله وبركاته

كيفكو يا اهل المقعد الكرام

كيفكو مع هالجو الخيالي

مطر وبرق ورعد وريح

مافي احلى من هيك

المهم

في اشي لاحظتو ومنرفزني عالاخر
بالفتره الاخيره

لاحظت انو معظم الاهالي مابيهمها انو اولادها بيعرفوش يحكو عربي

يعني من اول ما بينولد ما بيحكو معو غير انجليزي او فرنسي حسب شو بيحب
وشو نوع الفشخره الي ناوي يتفشخرها قدام الناس

يعني بيكون الولد عمرو 3سنين وما بيعرف ولا كلمة عربي

بيجي موعد المدرسه
بيدخلو مدارس اجنبيه بتكون اللغه الام فيها اجنبيه
واذا ربنا ستر
بيكون فيها مقرر عربي وتربيه اسلاميه
بيعتبر من المقرارات الي ما بتأثر على الدرجات بشكل كبير

يعني بيكون كتر خيرهم اذا اتعلمو يقروا قران

من الاخر هادا الاشي بينرفزني
يعني حضرتك ما الك لغه اتعلمها لاولادك
علمهم عربي ومهل عليهم يتعلمو اي لغه تانيه

يعني متلا مره من زات المرات اجى عندي واحد من هالاشكال
(معظمهم بيكونو لبنانيين
بس بها الفتره انضموا الفلسطينين لهاي الشغله وبكثره)
ومعو رشتة لبنتو عمرها تقريبا 9 سنين
دخلوا الصيدليه وهما بيبرموا انجليزي
وطبعا اللبس واللوك اجنبي ميه بالميه
والله فكرتهم اجانب عنجد

طيب بطلع بالروشته الا مكتوب جنسيتو عربيه

انا اتنرفزت وصرت احكي معو بالعربي وهو يرد على بالانجيليزي
يعني مش متنازل انو يحكي معي بالعربي

ولما جيت اكتبلو كيفية استخدام الدوا
طبعا كتبت العربي
(تناحه غزاويه شو بدك)
الموهم حكالي
PLEASE WRITE IN ENGLISH I CANNOT READ ARABIC
عنجد اشي بيقهر
طيب هدول الاهل مافكرو كيف هادا الاشي راح يأثر على الاولاد
من ناحيه تحديد شخصيتو وهويتو
يعني لو الولد من اول ما تعلم يحكي اتعلم يحكي بالانجليزي
راح يضل اصلو عربي
مافكروا كيف بدو يفهم اهلو
كيف بدو يفهم دينو وقرءانو
يعني احنا عنجد بنرفعش الراس
بس برضو الواحد المفروض ما يتخلى عن اصلو
ويرفع راسو فيه
ويعلم اولادو عزة النفس والكرامه
طيب مافكروا لو انو ابنهم او بنتهم مسكوا منصب كبير واضطروا انهم يحكوا خطاب قدام الناس
راح طبعا يحكوه بالعربي
كيف راح يكون منظروا وهو نص الاحرف بيعرفش ينطقها
شوفو كيف كان ملك الاردن اول ما استلم الحكم
ما كان يعرف يقرا جملتين على بعض
شوفو ابن الحريري
بها المقطع الي كان بقسم استخف دمك

[ندعوك للتسجيل في المنتدى أو التعريف بنفسك لمعاينة هذا الرابط]
بالله هدا منظر زلمة طول وبعرض مش عرف يقرا عربي
كل هادا عشان اتفشخر قدام الناس واحكي والله اولادي بيحكوش عربي

يالله قديش برمت

الموهم شو رايكم بهالموضوع؟