استشاره صيدلي المقعد

كيفكوا شباب وصبايا

كيف الصحه يارب كلوا تمام

الي يومين بفكر شو اعمل اشي مميز للمقعد

ففكرت بما اني صلاة النبي عني دكتوره صيدلانيه قد الدنيا
(مش بياعة دوا)

انو اخليكو تستفيدوا من خبراتي الفتاكه بعالم الادوية والاعشاب الطبيه

فهادا الموضوع راح يكون مكان للحصول عن اي اشي مش عارفينو بالادويه

يعني متلا كيفيه الاستخدام مدة الاستخدام

شو الاعراض الجانبيه

ستك او سيدك (الله يعطيهم طولة العمر)

بياخدو ستين دوا مع بعض بدك تستفسر هل في تفاعلات بينهم يعني بينفع ينعطو مع بعض

وكمان بنعرف نوصف ادويه للامراض الي مش مستاهل تروح على الدكتور عشانها
(بعمل دعايه)

عندك روشته مش عارف تقراها من خط الدكتور الحلو كتير
(صار عندي خبره من البلاوي الي بشوفها)
مستعدين للترجمه

المهم تكونو فهمتو الفكره

قبل ما انسى نرحب بمشاركات اي صيدلي بالمقعد

ونتمنى لكم كامل الصحه وما تحتاجوا لا لدكتور ولا لصيدلي

وسلامي للجميع