في بيتنا طوشه

كيفكم يا اطفال المقعد؟
اليوم بدي احكيلكم عن شغله بتصير معي كتير
انا واخوي بهاء
ومش عارف اذا بس احنا ولا انتو كمان

انا عندي اخ اصغر مني وبحبه كتير كتير

بس دايمن احنا بنختلف وبنعمل طوش ومرات بنضرب بعض
وهات يا صراخ ويا ركض بالبيت

انا بقعد بدي العب على الكمبيوتر

*
قوم يا لؤي اجا دوري
*
ما بدي اقوم هو انا لحقت العب ؟

بيبدا يصرخ وينادي
الماما بتجي و بتقولي
قوم يا لؤي اخوك واصغر منك
هو يعني لانه اصغر مني لازم انا اللي اتنازل دايمن
اشي بيقهر

بروح من قهري بحذفله الصور والالعاب
اللي هو محتفظ فيها لاله على الكمبيوتر وبعدها بقوم
وساعتها بتبدا المعركه والمصارعه
بتجي الماما وبتبعدنا عن بعض

بعدها بقول لاقعد اشوف برامج على التلفزيون
بيجي بهاء وبيقلي غير عن هاي المحطه
بدي اشوف اشي تاني
اوووووف هو انت وراي وراي
خلص تركتلك الكمبيوتر حل عني
مني كلمه ومنه كلمه
بيجي هو وبيضربني
يعني اسكت وانا الاكبر منه ؟؟

هون بتبدا الجوله التانيه
معركه تانيه

وبيبدا يصرخ وينادي على الماما
لانه اصلن ما بيقدر يغلبني
بتجي الماما وبتطلب مني انا اتنازل !!
طيب ليش ؟؟
لا برضه انا ما بسمحله يتعدى علي

لو قعدت بدي الون وارسم
بيجي بياخدلي الالوان
وبيقلي هدوله لالي
انت الك الوانك وهدول لالي
يا ما مااااااااا

بعد كل هاي المعارك
بتلاقينا قاعدين مع بعض وبنلعب وبنضحك
اشي ما بيتصدق

احكولي ان كنتو بنات او ولاد
شباب او صبايا
انتو كمان هيك بتتقاتلوا
ولا بس احنا

طيب على شو انتو بتختلفوا ؟

منقول لنقاش