هو احنا بدنا ناخد الدين كله مرة وحدة

السلام عليكم ورحمة الله وبركاته ،،

مرحبا يا شباب ويا صبايا ،،

جايبالكم اليوم موضوع يمكن انطرح قبل هيك ،،

بس انا مبارح لحتى صدقت انه ممكن حد عاقل ومسلم يحكي هيك كلمة ،،

مبارح كنا طالعين بالليل على قهوة بعد ما حضرنا فيلم بالسينما كان معنا صاحب زوجي ومرته

مرته من افريقيا على حسب ما بعرف وهي بتطلع عادي بتكشف شعرها ،،

المهم واحنا ماشيين بدبي على اساس انه مبارح الكريسماس لقينا المحلات كلها مليانة ناس

مع انه كمان اليوم خميس ،،

وخلال الحديث صاحب زوجي بقله كلم امك عيد عليها بالكريسماس ،،

مزحة يعني ،،

فزوجي بقله عيد على مرتك مفكرينها مسيحية فسأله هي مسلمة ،،

فقاله ها ويلا مسلمة وبتصلي واليوم كانت صايمة ،،

بعدها بقله

هو احنا لازم ناخد الدين بالطول والعرض مرة وحدة ،،

هيها بتصلي وبتصوم ،، وعادي الدنيا ماشية ،،

انا انصعقت والله ماتوقعته يحكيها ابدا حتى لو بالكزب يحكي ان شاء الله بتلتزم اكتر واكتر

مش يحكي هيك ،،

فأنا جاية اسأل هنا

اول شي اذا بتشوفوه هيك شغلات شو رأيكم ،،بالي بعمل هيك والي بحكي هيك

واذا ما بتشوفوه كمان شو رأيكم ،،

وكمان مرة انا صار معي موقف بمحل ملابس كان واحد مع مرته وبتشتري والزلمة والله حاطط راسه بالارض وماسك السبحة الزلمة وبسبح ربه وهو كل شوية تطلع تنادي عليه يجي يشوف اللبس كويس ولا لا ،،

والراجل خجلان من الرجال الي حواليه كلهم شيوخ ومرته ما بدنا نحكي على الناس

فزوجي بحكيلي يمكن خايف يزعلها لما يحكيلها تتحجب وتلبس لبس محترم فسكت الراجل وعاشوا حياتهم

كمان شو رأيكم بهالشي لما الراجل يحكي لمرته تتحجب وهي ترفض ويسكت ويضل عايش معها مع انه متدايق من الداخل ،،

وشو ممكن يعمل معها ليخليها تقتنع بالحجات وتلتزم فيه برضى واقتناع

اتمنى تكون الفكرة وصلت الكم ،