قصة ست مسنة في دار المسنيــــــــــــــــــــــــن

يسعد مساكم

احيانا تخرج كلمات من افواه كبار السن .. وبالاخص الذين يقضون الباقي من عمرهم بدار المسنين

الي ما بتكون بالحسبان

انا جاية اليوم معي قصة من وحدة ست مسنة بدار المسنين في غزة

من اسبوعين هيك كنت بزيارة خاصة لدار المسنين

واول ما فتت وشفت المسنات اتضايقت كتير وعنيا انهمرت بالدموع من وضعهم

والحالة الخاصة الي زرتها كانت مش بالوعي تماما وهادا الي ضايقني اكتر واكتر

بعد بشوي اجت وحدة مسنة اسمها رحمة

وهنا بدأت القصة ..

قربت مني واجت تسلم .. وقولتلها اقعدي جمبي وقعدت عالكرسي

صارت تحكي قصتها لحالها .. بتقول ..

انا سورية الاصل بقالي 52 سنة عايشة بغزة بمنطقة الصبرة وعمري 84

وصارت تقولي شعر طويــــل عريض عن سوريا وانهار سوريا ( على حسب معرفتي الشعر من اشعار نزار قباني)

وكانت معي شكولاتة بالشنتة.. اعطيتها اياها وصارت تقرأ باسم الشكولاتة بالانجلش

انا استغربت قولتلها بتعرفي انجلش؟؟

قالتلي .. أي سبيك انجلش اند فرنش

انا قولت ساعتها بسم الله ما شاء الله (تخيلو عمرها 84 وبتحكي انجلش مزوط )

قولتلها كيف اجيتي هنا يا حجة ؟ .. قالتلي جوزي فلسطيني

انا صرت بدي اسألها اكتر علشان اشوفها هيا واعية عن جد يلي بتحكيه ولا لا

قولتلها انتي مواليد سنة الايش؟ .. قالتلي مواليد سنة24 وهلا عمرها 84 سنة الله يعطيها الصحة

وقالتلي اخدت شهادة الدكتوراه سنة ال54

والله العظيم يا جماعة بتحكي وكأنه بتحكي مع وحدة من جيلنا ( انا انصدمت )

بقولها انتي مين جابك على المسنين هنا ؟؟

قالتلي جوزي .. قولتلها وينه جوزك قالتلي عايش بالصبرة

نيجي للموضوع المؤثر والمهم ..

قولتلها طيب عندك ولاد ؟؟ قالتلي عندي 6 بنات وولدين

قولتلها وينهم ؟؟؟ قالتلي كلهم مسافرين .. في منهم باميركا ومنهم بدبي ومنهم بالشارقة

قولتلها هما بيعرفو انه انتي هنا ؟؟ قالتلي مش عارفة

والله العظيم يا جماعة دموعي نزلت لما قالتلي هيك

يعني هادي المسنة ما فيها ولا اياااااااااااااااااا اشي .. يعني لا زهايمر ولا مضيعة ولا اشـــــــــــي

بتحكي مزبوط ويمكن اوعى منا والله العظيم

وبتحكي انجلش وفرنسي مزبوط وكل الاسئلة جاوبتني عليها 100%

انا الي بدي اوصله .. ليش هيك الاهل بيربو وبيتعبو فينا وبالاخر هيك يرتميو ؟؟

هادا جزاتها الام ؟؟؟

يعني ولادها مش عارفة وين ضميرهم وهما هيك سايبين امهم مرمية .. (ما بظن انهم يكونو مش عارفين .. اكيد عارفين )

والله الي انحرقت منه انه هالست هادي مفش فيها اي خلل

وبتقوم وبتمشي وبتحكي وطبيعيـــــــــــــــــــــــــة ..

هادي صورتها وهيا بالمسنين

وهادي صورتها وهيا صغيرة راحت جابت الصورة وصورتها بالجوال علشان تشوفوها

انا اتفاجأة وشافها ساعتها اخويا دردوز واتفاجأ معي ..

وساعتها قالي صوريها ونزليها بالمقعد بلكي ولادها يشوفوها ويشوفو كيف امهم

يعني والله يا جماعة الي زي هادي الست بتكون زينة بالبيت

يا الله ايش حبيتها وحبيت القعدة معها بحياتي ما بنساها

ومسكت ايدي وانا مروحة وقالتلي ضلك زرويني

قولولي رأيكم انتو بهيك مواقف