Admin عربي خبيــــر
عدد المساهمات : 100 تاريخ التسجيل : 17/07/2008
| موضوع: هل عمرك واجهت عوائق تحول بينك وبين حبيبتك//تعال جاوب على الاسئلة الأربعاء ديسمبر 30, 2009 1:41 pm | |
| بسم الله الرحمن الرحيم
السلام عليكم ورحمة الله وبركاته
كيف الشباب وكيف الصبايا؟؟
طبعا هادا اول موضوع اللي في هالقسم
وموضوع من عقلي فبتمنى تتفاعلو معي وتجاوبوا
انا بدي اقوللكوا قصة واحد صاحبي من هان رفح قاللي اياها وانتو بعدين جاوبوا
صاحبي هادا قاللي انو بيحب وحدة من الضفة.. حب غير شكل...وتنيناتهم بيحبوا بعض..
بس المشكلة: انو وجد انو فيه عوائق بيحول بينو وبينها زي اهلو واهلهاااا .. اهلو واهلها ازا بيعرفوا انهم بيحبوا مثلا بيقتلوهم وبيشرشحوهم...
هي اول عائق تاني عائق انو قصة الحصار واليهود والمعابر يعني هو مش قادر يروح يصللها ويخليها الوو.. كل الطرق مسكرة
وكمان لقى انو اهلووا مش راضيين انو يسافر سواء بحجة تعليم او او او ...الخ
عندهم قصة السفر ممنوعة خالص
سؤالي للشباب// 1.لو مريت بهالتجربة انت.. ولقيت انو اهلك معوقين عليك بكل شي سواء بالحب او السفر..
برأيك شو بتعمل بهيك شي//وبرأيك شو الحل لهيك موقف
2.برضو لو انت مش قادر توصل لحبيبتك والمعابر مسكرة وكل شي مسكر بوشك برأيك شو بتعمل؟؟وكيف ممكن انك تصللها؟؟
وسؤال للشباب اضافي/شو بتعمل لو انك الك ايام ما حكيت ما حبيبتك او شفتها سؤال بالايميل او بالحقيقة؟؟
شو بتعمل لو كنت غايب بعذر اوبدون وماكنت بتقدر تفتح ايميلك او تشوفها بالحقيقة وعرفت انو حبيبتك بتعيط عشانها ما شافتك ومشتاقالك..
سؤال للصبايا::
1.لو انو بتحبي واحد وهو بحبك بكل اخلاص .. ولقيتي انو اهلك معوقين عليكي .. والبنات بحبنش وحرام الحب واللي بحبن خاينات وممنوع البنت تحكي مع شب وتحبو ....الخ السؤال /كيف ممكن انك توصلليوا وتكوني شريكة حياتو بالمستقبل؟؟شو بتعملي بهيك موقف؟؟
2.لو لقيتي برضو انو عائق بيحول بينك وبين حبيبك المعابر والحصار وهادا الشي وهو مش قادر يوصلك ويكون جنبك ويحميكي ويطلب ايدك .. كيف ممكن انك تحصلي عليه؟؟ كيف ممكن تخليه يصللك او انك تصليلوا؟؟
سؤال اضافي للصبايا: شو بتعملي لو انك الك ايام ما شفتي ولا حكيتي مع حبيبك..بالايميل او بالحقيقة ؟؟ وشو بتعملي لو كنتي غايبة عنو بعذر او بدون عذر وعرفتي انو حبيبك مشتاقلك ومحروق من جواتو عشان يشوفك وكل ما يتزكرك الو خاطر ينجن
وهي اخر كلامنا ...
ارجو منكو التفاعل وتبدوا رأيكوا بكل صراحة وما بدي تتخاوتوا..لانو صاحبي بحالة شسمو على الاخر
والسلام عليكم ورحمة الله وبركاته | |
|