تبييض الأسنان حريقة يا حاج

السلام عليكم ورحمة الله

هادا الموضوع تابع لأسئلتكم مع دكتور الأسنان طويل شوي
بس ان شاء الله منه الإستفادة

بسم الله
تبييض الأسنان

راح نحكيه بإختصار وبشكل مبسط

أول شي ليش بعض الأسنان صفر بكونوا من البداية وبعضهم بعد فترة من الزمن بصيروا صفر؟
1-لأنه في ناس بنولدوا أوقات وأسنانهم ضعيفة أومافي معادن بالطبقة الأولى من السن مثلا وتكون ضعيفة
وتبين الطبقة التانية إلي أصلا هيا صفرة

2-أو تكون الطبقة الأولى أصلا سمكها كتيييير بسيط وشفافة لدرجة تبين الطبقة التانية

3-أو استخدام بعض الأدوية متل ال tetracycline)
هاااااااااااااادول صعب لإلهم التبييض الأغلب هو تركيب أسنان صناعية

أو نتيجة لشرب الشاي والقهوة أو من تجمعات الاكل والبكتيريا
هاي ممكن حلها بالتبييض

بالنسبة لعلبة التبييض إلي العادة الناس بشتروها من الصيدليات في نوعين من هادا الجل اما بتركيز عالي أو تركيز منخفض من مادة التبييض

تركيز منخفض:
مافي داعي لطبيب الأسنان ممكن تحطه لوحدك بالبيت وتتبع التعليمات وإضل حاطط
الجل لساعات طويلة لازم
بس يمكن ما تلاقي نتيجة بالمرة أو تغير طفيف مايلاحظه أحد فإبعدوا عنه

تركيز عالي:
هادا ممكن تشتريه وتروح لطبيب الأسنان يعملك إياه أو ممكن إنت تعمله كمان بالبيت بس
مابننصح بهادا الشي بعدين بخبركم ليش
راح ييجي معه زي طبعة أسنان شفافة وجل وجل تاني ليحافظ على التبييض
راح تحطي الجل على الطبعة وتحطيها على أسنانك بعد ماتنشفيهم منيح وتنتظري لربع ساعة
وبتعيدي الشغلة هاي مرتين كمان وراح دغري تلاحظي الفرق
بس المشكلة لأنها مواد كيميائية ماراح تقدري تتحكمي فيها لوحدك فممكن تحرقي اللثة إذا اجى عليها هادا
الجل ويطلع متل ندوب توجع

بالنسبة للتبييض التاني الي بالليزر وفي نوعين عند أطباء الأسنان والاتنين مناح
هو (الزوم والبلازما)

بتحتاجي لزيارة واحدة لطبيب الاسنان لمدة ساعة وبكون عامل عزل للثة وعنده ليزر
لينشط مادة التبييض ولازم ياخد صورة قبل وبعد حتى المريض يشوف الفرق

طبعا أنا بنصح بالاتنين مافي خطر والنتائج حلوة بس غالي شوي

طبعا بعد أي تبييض يمنع منعا باتا لمدة أسبوع الآتي:
الشاي والقهوة والنسكافيه والعصائر الغازية وأي عصائر ملونة والكاتشاب والميونيز
والتدخين طبعا والأجبان الصفرة والخبز

طيب هل البياض إلي نتج بعد عملية التبييض راح يضل نفس ماهو؟؟؟؟؟؟؟؟
مستحيــــــــــــــــــــــــــــــــــــــــــــــــــل
الزوم والبلازما أقصاهم 3 سنين ممكن يحافظوا على البياض إذا المريض
اتبع النصائح كلها ونظامه الغذائي كان ممتاز

أما لو الحين طلع المريض من التبييض وراح شرب عصير فراولة دغري راح تصير أسنانه
زهري او حمراء لأنه الاسنان بعد التبييض بتكون كل مسامات السن مفتوحة وممكن يلقط أي لون

بالنسبة للناس إلي عاملة تقويم وبدها تعمل تبييض بعده؟
أصلا الدكتور مجبور بعد مايشيل التقويم إنه يعمل تنظيف بآلة معينة وهاي لوحدها راح تشوفي الفرق
بأسنانك بعدها إذا حبيتي تعملي ولسة أسنانك صفرة فاعملي تبييض وتوكلي

بالنسبة للي أسنانهم الأمامية عاملين يها العصب وشايلينه فهادا الحكي كله ماراح يفيده
وإلهم تبييض نوع تاني

وإلي عاملين حشوات بيضة بالأسنان الأمامية لازم بعد التبييض يرجعوا يغيروها
ويحطوا الي أفتح منها

أن شاء الله مانكون ثقلنا عليكم
السلام عليكم
كن بينهم.....كن مثلهم......في جوهم.......ضع بصمتك